20Oct/23

កម្មវិធីផ្សាយថ្ងៃសុក្រ 20.10.23

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «ធម្មកថា»
សូមជូនព្រះធម្មទេសនាដោយភិក្ខុជួន កក្កដា រឿងល្បីស្ដីពីភិក្ខុវនវាសីមានបារមី និង មានព្រះជន្មដល់ទៅ ១២២ វស្សា​ ទាំងដែលមុខមាត់នៅខ្ចីល្ហក់ បណ្ដាលឲ្យពុទ្ធបរិស័ទមានសទ្ធាជ្រះថ្លាខ្ពស់ហើយលែងចង់គោរពសង្ឃដែលនៅតាមវត្ត មានកុដិធំៗ ស្អាតៗ គង់។
២–នាទី «ទស្សនៈអ្នកនិពន្ធ» របស់លោក ជាតិហង្សាពីរដ្ឋមីនីសូតាដែលថ្ងៃនេះលោកនឹងបន្តអានសំណេររបស់លោកទៀងណារិទ្ធឈ្មោះ «មហាគ្រោះជាតិខ្មែរ» វគ្គទី ២៤ ជូនស្ដាប់…
ស្ដីពី «អាខ្វាង» ឡោមព័ទ្ធការពារខ្លួនដោយអង្គរក្សពីគ្រប់ទិស។
៣–នាទី «តន្ត្រីប្រចាំថ្ងៃ»
សូមជូនបទ «Et Pourtant!» ច្រៀងដោយ Charles Aznavour និងបទ «ទោះយ៉ាងណា» ច្រៀងដោយ​ស៊ីនស៊ីសាមុត ដែលចាត់ថាពិរោះទាំងពីរ។
៤–នាទី «ពីនេះពីនោះ» 
យុវជនខ្មែរដែល World Bank អះអាងថា ៩៩.១៥​% មានការងារធ្វើ តាមពិតហើយចោលផ្ទះចោលសម្បែងចោលកូនឲ្យតាយាយចិញ្ចឹមនាំគ្នាធ្វើចំណាកស្រុកទៅរកការងារធ្វើនៅប្រទេសដទៃសោះ!
សូមមើលមុខ ​(ត្រូវប្រើកែវយឹតឆ្លុះ) ពួកឧកញ៉ាឧកញ៉ុកនៃ Cambodian Oknha Association ទាំង ​៣២ ​នាក់ដែលតំណាងឲ្យឧកញ៉ាខ្មែរ ១៣០០ នាក់។
19Oct/23

កម្មវិធីផ្សាយ ថ្ងៃព្រហស្បតិ៍ 19.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «ទស្សនៈខ្ញុំ» របស់អ្នកគ្រូសូផានីបៃនៃក្រុង Norwalk, CA
ស្ដីពីអង្គការយួនដែលបញ្ជាឲ្យពួកខ្មែរក្រហមចង្រៃ​សម្លាប់ខ្មែរគ្នាឯងអស់ស្ទើរពាយ។
២–នាទី «និទានអារ៉ាប់» ​រឿង ១០០១​ យប់​ឬ ឯកសហស្សរាត្រី

ថ្ងៃនេះសូមជូនវគ្គទី ១៥០ ​នៃកម្រងរឿង​ ១០០១ ​យប់​ ឬ ឯកសហស្សរាត្រី ដែលម្ចាស់ក្សត្រី Sheherazade និទានថ្វាយព្រះស្វាមី Shah Sharya ទ្រង់ព្រះសណ្ដាប់ ដោយវគ្គនេះនឹងបន្តរៀបរាប់អំពីសេះមានសិល្ប៍​ដែលបានហោះនាំព្រះអង្គម្ចាស់ស៊ីរ៉ូសាហ្វនៃប្រទេសពែរ្ស៍​ទៅចុះនៅវាំងម្ចាស់ក្សត្រីនគរបេងហ្កាល់។

៣–នាទី «តន្ត្រីប្រចាំថ្ងៃ» 
សូមជូនកន្ទ្រឹមចង្វាក់បទ «ផ្កាក្រោមខ្នើយ» ដាក់ឈ្មោះថា «ស្រណោះភ្នំរូង» ច្រៀងដោយ​ โก้ ภานุพงษ์​ (កូ ផានុផុង)។
៤–នាទី «ពីនេះពីនោះ»
ការងារគណៈកម្មការប្រតិបត្តិបុរីអង្គរផាវយ៉ៃ៖ ជួយដាំដើមត្នោត ២២​ដើម ចាក់ពុម្ពក្បាច់សម្រាប់លំអ​បុស្បុក យកសម្រាមទៅចាក់ លាងបង្គន់ បាញ់ថ្នាំសម្លាប់រុយ សុទ្ធតែការងារអាយុជីវិតបុរីអង្គរ! ជេមស៍ ស៊ូ! ស៊ូ!
18Oct/23

កម្មវិធីផ្សាយ ថ្ងៃពុធ 18.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «សាសនាសាកល»​
សូមបន្តអានសៀវភៅ «មគ្គុទ្ទេសក៍មូស្លីមថ្មី» របស់លោកហ្វាហាទ សាឡិម ពិន ហ៊ូម៉ាម ដល់ត្រង់​ ជំនឿចំពោះព្រះអល់ឡោះដែលមានពួកទេវតា​«ម៉ាឡាអ៊ីកាត់» ជាខ្ញុំកំដរ។
២–នាទី «ជួបនឹងបណ្ឌិតអាំងជូលាន»
វគ្គ១ នៃសុន្ទរកថារបស់លោកបណ្ឌិតរឿង «ព្រលឹង» ឬ «ព្រះលិង្គ» ខ្មែរពីបូរាណ។
៣–នាទី «តន្ត្រីប្រចាំថ្ងៃ»
សូមជូនបទ «ស្អែកលាម៉ែទៅធ្វើទាហាន» ច្រៀងដោយស៊ីនស៊ីសាមុត។
This image has an empty alt attribute; its file name is image-103.png
៤–នាទី «ពីនេះពីនោះ» 
ស្ដាប់គេវិភាគពីមរណភាព​លោកឧកញ៉ា ឈាង រ័ត្ន៕
17Oct/23

កម្មវិធីផ្សាយ ថ្ងៃអង្គារ 17.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «ប្រវត្តិដែលខ្មែរគួរដឹង៖ ហេតុអ្វីបានជាយួនរុករានទន្ទ្រានយកកម្ពុជា?» ដែលរៀបរៀងដោយលោកនួនសុខវ៉ាងពីក្រុង Norcross រដ្ឋ GA ដោយផ្អែកលើសៀវភៅរបស់លោក Stephen J. Morris ឈ្មោះ «Why Vietnam Invaded Cambodia» វគ្គទី ២ ។
២–រឿង «Brother Enemy» ឬ «សត្រូវបងប្អូនឯង» របស់ Nayan Chanda​ បកប្រែជាខេមរភាសាដោយ​លោក​ទេព ម៉េងឃាន​នៃមជ្ឈមណ្ឌលឯកសារកម្ពុជា វគ្គទី ៧០ ​។
៣–នាទី «តន្ត្រីប្រចាំថ្ងៃ»
សូមជូនបទ «ចំប៉ាបាត់ដំបង» ឱបាត់ដំបងភ្លៀងជន់លិចហើយ ព្រោះតែអភិវឌ្ឍន៍»​ មិនស្គាល់អ្នកតែង​ឬ អ្នកច្រៀង។
៤–នាទី «ពីនេះពី័នោះ»
សង្គ្រាមជាប្រចាំរវាង​អ៊ីស្រាអែល​នឹងពួកហាម៉ាស់នៅតំបន់ហ្កាហ្សា។
អាវុធដែលហាម៉ាស់ផលិតខ្លួនឯងពីរោងជាងក្រោមដី។
16Oct/23

កម្មវិធីផ្សាយ ថ្ងៃច័ន្ទ 16.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «ពុទ្ធដីកាសម្ដេច»

សូមជូនសេចក្ដីអធិប្បាយរបស់សម្តេចព្រះសុមេធាធិបតី ជួន ណាត ជោតញ្ញាណោ សម្តេចព្រះសង្ឃរាជគណៈមហានិកាយ នៃព្រះរាជាណាចក្រកម្ពុជា ពីហេតុដែលព្រះអង្គបានសម្គាល់ខ្មែរណាដែលជា ​«អាចោរបំផ្លាញភាសាជាតិ»។

២–«នាទីសៀវភៅខ្មែរ » រឿង «អង្គការជានរណា?» និពន្ធដោយយាយទៀង​ឬអ្នកស្រី គឹម ធីអ៊ូយ​​ វគ្គទី ៤០ ​។
នៅកំពង់ទឹកអ្នកលឿងខ្មែរនិងមិនមែនខ្មែរជិះសាឡង់ឆ្លងទន្លេមេកុង បម្រុងរត់ទៅយួនខាងត្បូង​តែដឹងថាយួនហាណូយវាយយកព្រៃនគរបានទៅហើយកាលពីថ្ងៃ ៣០​ មេសា ១៩៧៥ ។
៣–នាទី «តន្ត្រីប្រចាំថ្ងៃ»
សូមជូនបទ «ផ្កាក្រោមខ្នើយ»​ច្រៀងដោយអ្នកចម្រៀងភ្លេងកន្ទ្រឹមវ័យក្មេងកញ្ញា เมย์ วารินทร์ ។
៤–នាទី «ពីនេះពីនោះ»
ក្រុងហ្កាហ្សា​ក្លាយទៅជាសមុទ្រភ្លើងក្រោមការវាយប្រហារសងសឹករបស់អ៊ីស្រាអែល។ សូមជូនប្រវត្តិសង្ខេបនៃជម្លោះអារ៉ាប់-អ៊ីស្រាអែល៕
15Oct/23

កម្មវិធីផ្សាយថ្ងៃអាទិត្យ 15.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី «សំបូរិន្ទសម្ភាសកេងវ៉ាន់សាក់» អំពីព្រលឹង​ឬ អត្តសញ្ញាណខ្មែរ​ក្នុងទស្សនៈរបស់លោកសាស្ត្រាចារ្យ។
វគ្គទី ៧ លោកសាស្ត្រាចារ្យពន្យល់អំពីក្រុម​បារគូ/បាគូរ​និង​សាសនាជីរបស់ខ្មែរបុរាណ។
២–នាទី «និទានអារ៉ាប់» អានជូនស្ដាប់ដោយ​សាន​សុវិទ្យ
ថ្ងៃនេះសូមជូនវគ្គទី ១៤៩ ​នៃកម្រងរឿង​ ១០០១ ​យប់​ ឬ ឯកសហស្សរាត្រី ដែលជាវគ្គបន្តនៃរឿងសេះមានសិល្ប៍អាចហោះហើរដើរអាកាសបាន​ដល់ត្រង់ព្រះអង្គម្ចាស់ហ្វ៊ីរ៉ូសាហ្វរាជបុត្រនៃស៊ុលតង់ប្រទេសពែរ្ស៍ឡើងជិះសេះយន្ត ហោះទៅបាត់ដោយមិនបានសួរជាងឥណ្ឌាអំពីវិធីបញ្ជាឲ្យសេះហោះត្រឡប់មកទីដើមវិញ។
៣–«នាទីតន្ត្រីប្រចាំថ្ងៃ»
សូមអញ្ជើញស្ដាប់លោកកុយវណ្ណា​នៅប្រទេសបារាំងច្រៀងបទមនោសញ្ចេតនាឈ្មោះ «សុរិយារៀបលិច» ។
៤–នាទី «ពីនេះពីនោះ»
សង្គ្រាម ​Israel-Hamas ឆាបឆេះតំបន់ Gaza ប៉ែកខាងត្បូងប្រទេស ​Israel ហើយ។
PRP ឬ Platelet-Rich Plasma ជាអ្វីនៅត្រងណា?
វិធីព្យាបាលជម្ងឺឈឺស្មាដោយប្រើ​ PRP ៖ បូមឈាមពីអ្នកជម្ងឺ យកទៅដាក់ម៉ាស៊ីនបង្វិល បង្វិលឲ្យសមាសភាគរបស់ឈាមធ្លាក់ទៅនៅដោយឡែកពីគ្នា រួចយកម្ជុលបូម PRP ពីបំពង់ទីប យកទៅចាក់ត្រង់កន្លែងដែលឈឺ៕
14Oct/23

កម្មវិធីផ្សាយថ្ងៃសៅរ៍ 14.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–នាទី “ធម្មកថា”

វគ្គបញ្ចប់នៃទេសនាសម្ដែងដោយភិក្ខុ សាន​ភារ៉េត ស្ដីពីប្រវត្តិនៃបុណ្យភ្ជុំបិណ្ឌនៅស្រុកខ្មែរយើង។
២–«នាទីសៀវភៅខ្មែរ» រឿង «អង្គការជានរណា?» ប៉ុលពត​ឬ​យួនហូជីមិញ? និពន្ធដោយយាយទៀង​ឬអ្នកស្រី គឹម ធីអ៊ូយ ​
វគ្គទី ៣៩ ដែលនិយាយពីសម័យបូដូយគ្រប់គ្រងកម្ពុជា យួនហាណូយសម្រាំងយកកុមារកំព្រាខ្មែរបញ្ជូនទៅអប់រំនៅស្រុកយួនឲ្យស្អប់ខ្មែរក្រហម។
៣–នាទី «ចំណេះដឹងទូទៅ» រៀបរៀងដោយអ្នកស្រី ស៊ានកេត្យានៅប្រទេសបារាំង
សូមជូនអំណានសៀវភៅរឿង «គុកនយោបាយ»​ របស់លោកប៊ុណ្ណ ចន្ទ-ម៉ុល វគ្គទី១៣ ។
៤–នាទី «តន្ត្រីប្រចាំសប្ដាហ៍»​ រៀបរៀងដោយអ្នកស្រីខោលមុំនៃក្រុង Columbus រដ្ឋ Ohio ។
សូមជូនចម្រៀងជ្រើសរើសដោយអ្នកស្រីខោលមុំ (រូបថតថតជាមួយស្វាមីចៅតាខេងនិងបុត្រី)​ ប្រចាំសប្ដាហ៍​ចំថ្ងៃភ្ជុំបិណ្ឌ។
៥–នាទី «ពីនេះពីនោះ» 
Putin ដែលប្រភពខ្លះថាស្លាប់ទៅហើយ​បានព្រមាន Israel មិនឲ្យលុកលុយតំបន់ Gaza ដូចពួកណាហ្ស៊ី អ៊ីត្លែរនិយមធ្លាប់ឡោមព័ទ្ធបង្អត់អាហារជនជាតិរុស្ស៊ីនៅ ឡេនិនហ្ក្រាដ។
នាយករដ្ឋមន្ត្រីខ្មែរក្រីក្រប្រាក់ខែ ២៥០០ ​ដុល្លារ ពាក់នាឡិកាដៃតម្លៃរាប់លាន។
ព្យាបាលជម្ងឺដោយ PRP និង Stem Cells ដូចគ្នា​និងខុសគ្នាយ៉ាងណា​ចាំថ្ងៃក្រោយនឹងជម្រាប៕
13Oct/23

កម្មវិធីផ្សាយថ្ងៃសុក្រ 13.10.23

កម្មវិធីផ្សាយរាល់ថ្ងៃ

Podcast: Play in new window | Download

១–វគ្គបញ្ចប់នៃបទសន្ទនាតុមូលរវាង​លោកថាច់ពីយ៉ានៅ ​ប្រទេសបារាំង លោកប៉ែន វ៉ាណូ​នៅប្រទេសបារាំង និង​​លោក ប៊ុនឆន នៅប្រទេសហុល្លង់ ។
ប្រធានបទទី ៣ សួរថា​តើខ្មែរនៅតាមប្រទេសនានានាំគ្នាធ្វើបាតុកម្មប្រឆាំងត្រកូលហ៊ុនក្រាញអំណាច​ជាការចាំបាច់ដែរឬទេ?
២–នាទី “ធម្មកថា” 
សម្ដែងដោយភិក្ខុ សាន​ភារ៉េត ស្ដីពីប្រវត្តិនៃបុណ្យភ្ជុំបិណ្ឌនៅស្រុកខ្មែរយើង។
៣–នាទី «ទស្សនៈអ្នកនិពន្ធ» របស់លោក ជាតិហង្សាពីរដ្ឋមីនីសូតាដែលថ្ងៃនេះលោកនឹងអានវគ្គទី ២៣ នៃសំណេររបស់លោកទៀងណារិទ្ធឈ្មោះ «មហាគ្រោះជាតិខ្មែរ» ជូនស្ដាប់…
ហ៊ុនសែនពូកែរឿងបង្ក្រាបបាតុករ​និងកំទេចគូប្រជែងនយោបាយតាំងពីទសវត្សឆ្នាំ ១៩៩០​រហូតមក។
៤–នាទី «តន្ត្រីប្រចាំថ្ងៃ»
សូមជូនចម្រៀងចិនឈ្មោះ «The Little Flower of Tears» ជាភាសាចិន​ច្រៀងដោយ ជិង​ស្ហាង និង ​«ចម្រៀងស្នេហ៍» ជាភាសាខ្មែរច្រៀងដោយ​ស៊ីនស៊ីសាមុត។
៤–នាទី «ពីនេះពីនោះ» 
ពួកហាម៉ាស់បានអាវុធពីណា ដោយវិធីណា​កាលបើត្រូវឡោមព័ទ្ធបិទព្រំដែនដូចជាប់គុកឥតដំបូលដូច្នេះនោះ?
ប៉ាឡេស្ទីនជាឆ្អឹងស្លាក់កអ៊ីស្រាអែលមកយូរហើយ។
គ្នាកូនក៏ឲ្យគ្នាកូនទៅមិនបានទេឬអ្វី?
12Oct/23

កម្មវិធីផ្សាយ ថ្ងៃព្រហស្បតិ៍ 12.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–បទសន្ទនាតុមូលរវាង​លោកថាច់ពីយ៉ានៅ ​ប្រទេសបារាំង លោកប៉ែន វ៉ាណូ​នៅប្រទេសបារាំងដែរ និង​​លោក ប៊ុនឆន នៅប្រទេសហុល្លង់ ។
សូមជូនវគ្គទី ២ ដែលជាការឆ្លើយតបទៅនឹងសំណួរស្ដីពីការយកពន្ធពីអ្នកកាត់សក់ ដែលរដ្ឋាភិបាលថ្មីបានយកមកបញ្ចូល ខណៈដែលលុបចោលពន្ធទីសត្តឃាតទៅវិញ។
២–នាទី «ទស្សនៈខ្ញុំ» របស់អ្នកគ្រូសូផានីបៃនៃក្រុង Norwalk, CA
ផ្ដន្ទាទោស​អាជ្ញាធរភ្នំពេញដែលកាលពីខែសីហាឆ្នាំទៅមិញបានចាប់យុវជនខ្មែរដាក់ គុកពីបទថាកាលពី ៧ ​ឆ្នាំមុនគេបានតវ៉ាការបង្កើតផ្នែកភាសាខ្មែរយកមកបង្ខំឲ្យកូនខ្មែររៀនភាសាយួននៅសាកលវិទ្យាល័យភ្នំពេញ។
៣–នាទី «និទានអារ៉ាប់» ​រឿង ១០០១​ យប់​ឬ ឯកសហស្សរាត្រី

ថ្ងៃនេះសូមជូនវគ្គទី ១៤៨ ​នៃកម្រងរឿង​ ១០០១ ​យប់​ ឬ ឯកសហស្សរាត្រី ដែលម្ចាស់ក្សត្រី Sheherazade និទានថ្វាយព្រះស្វាមី Shah Sharya ទ្រង់ព្រះសណ្ដាប់ ដោយវគ្គនេះនឹងរៀបរាប់អំពីសេះមានសិល្ប៍​ដែលអាចហោះហើរដើរអាកាសបាន។

៤–នាទី «តន្ត្រីប្រចាំថ្ងៃ» 
សូមជូនបទ «ស្រណោះបិណ្ឌភ្ជុំ» និពន្ធទំនុកច្រៀងដោយ សុន រដ្ឋា សម្រួលបទភ្លេងដោយ ឡុង គឹមលាង និង ច្រៀងដោយ អនុស្សាវរីយ៌។
៥–នាទី «ពីនេះពីនោះ»
ការសងសឹករបស់ពួកអ៊ីស្រាអែលមានភាពកាចសាហាវអមនុស្សធម៌មិនខុសពីការឆ្មក់ចូលមកវាយប្រហារបង្ហូរឈាមក្នុងភូមិនានានៅក្នុងប្រទេសអ៊ីស្រាអែលដោយពួកឧទ្ទាមហាម៉ាស់កាលពីថ្ងៃសៅរ៍ទី ៧​ តុលានោះប៉ុន្មានទេ មានតែទ្វគុណជាច្រើនដង​ទាំងនេះព្រោះប្រជាជនប៉ាឡេស្ទីនជាង​ ២ លាននាក់រស់នៅជាន់កគ្នាក្នុងតំបន់ហ្កាហ្សាទំហំស្ទើរតែប៉ុនគ្នានឹងខេត្តកណ្ដាលរបស់នគររំដួល។ ពួកជ្វីហ្វដែលខូចឈ្មោះខូចសម្លេងដោយសារបណ្ដែតបណ្ដោយឲ្យពួកហាម៉ាស់ចូលមកសម្លាប់កូនប្រពន្ធដល់ក្នុងផ្ទះបែបនេះបានកែនទាហានបម្រុង ៣០ ម៉ឺននាក់ថែមទៀត រួមទាំងអស់មានទាហានប្រមាណ ៩០​ ម៉ឺននាក់ កំពុងត្រៀមចូលលុកលុយបោសម្អាតពួកហាម៉ាស់ទម្លាក់ទឹកសមុទ្រ ព្រោះតំបន់ហ្កាហ្សាប្រៀបដូចគុកអត់ដំបូល។ ​ពេលនេះអ៊ីស្រាអែលកំពុងវាយកម្ទេចហេត្ថរចនាសម្ព័ន្ធទាំងអស់របស់រដ្ឋអនាថានេះ​ថែមផ្ដាច់ ទឹក ភ្លើង និង​អាហារ មិនឲ្យអ្នកណាផ្ញើទៅជួយសង្គ្រោះប្រជាជន​២​លាននាក់ដែលរកតែកន្លែងរត់គេចពីកាំជ្រួចហ្វូង មីស្ស៊ីល​និង​គ្រាប់បែកពីយន្តហោះប្រដេញ​ក៏ពុំមាន។​ កម្ម!
ក្រុងហ្កាហ្សា​ប្រែសភាពទៅជាគំនរឥដ្ឋគំនរថ្ម​ដូច​នៅ ស៊ីរី​ លីប៊ី​ និង​អ៊ីរ៉ាក់អីអស់ហ្នឹងមួយទៀតហើយ។
អ្នកនាំពាក្យអង្គការ SaveCambodia ថ្លែងផ្ទាល់មាត់ប្រាប់អ.ស.ប. ថារដ្ឋាភិបាលហ៊ុនម៉ាណែតខុសច្បាប់។
សមាគម២៣​តុលា​១៩៩១ អធិប្បាយថាហេតុអ្វីបានជាចង់ឲ្យ អ.ប.ជ. ទុកអាសនៈកម្ពុជានៅទំនេរមួយរយៈសិន៕
11Oct/23

កម្មវិធីផ្សាយ ថ្ងៃពុធ 11.10.2023

កម្មវិធីផ្សាយរាល់ថ្ងៃ

Podcast: Play in new window | Download

១–បទសន្ទនាតុមូលរវាង​លោកថាច់ពីយ៉ានៅ ​ប្រទេសបារាំង លោកប៉ែន វ៉ាណូ​នៅប្រទេសបារាំងដែរ និង​លោក ប៊ុនឆន នៅប្រទេសហុល្លង់ ស្ដីពីនីត្យានុកូលភាពរបស់រដ្ឋាភិបាល​និងនាយករដ្ឋមន្ត្រីខ្មែរ​និង​បញ្ហាផ្សេងៗទៀត។
២–នាទី «សាសនាសាកល»​
សូមបន្តអានសៀវភៅ «មគ្គុទ្ទេសក៍មូស្លីមថ្មី» របស់លោកហ្វាហាទ សាឡិម ពិន ហ៊ូម៉ាម ដល់ត្រង់​ ឯកទេពនិយម និងពហុទេពនិយមក្នុងសាសនាឥស្លាម។
៣–នាទី «ជួបនឹងបណ្ឌិតអាំងជូលាន»
ថ្ងៃនេះសូមជូនវគ្គទី ២ នៃបទសន្ទនាជាមួយលោកលីដារាវុធនៃវិទ្យាស្ថានរៃយំដែលសាកសួរលោកសាស្ត្រចារ្យអំពីបុណ្យភ្ជុំបិណ្ឌតាមប្រពៃណីបុរាណ។
៤–នាទី «តន្ត្រីប្រចាំថ្ងៃ»
សូមជូនបទ «ទំនួញចាបមាស» ច្រៀងដោយលោកស៊ីនស៊ីសាមុត។
This image has an empty alt attribute; its file name is image-103.png
៥–នាទី «ពីនេះពីនោះ»