កម្មវិធីផ្សាយរាល់ថ្ងៃ

Podcast: Play in new window | Download

๑–«នាទីព្រះពុទ្ធសាសនា​»
ទេសន៍គ្រែពីរ រវាងព្រះតេជគុណលៀងសំណាង​ពីស្រុកត្រាំកក់នឹងជួនកក្កដាពីវត្តប្រាសាទនាងខ្មៅខេត្តតាកែវស្ដីពីការទ្រាំដែលចាំបាច់ត្រូវមានដើម្បីធ្វើបុណ្យ​និងដើម្បីរស់។
๒–«នាទីទស្សនៈអ្នកនិពន្ធ» របស់លោក ជាតិហង្សាពីរដ្ឋមីនីសូតាដែលថ្ងៃនេះលោកនឹងបន្តអានសំណេររបស់លោកទៀងណារិទ្ធឈ្មោះ «មហាគ្រោះជាតិខ្មែរ»​ ។
វគ្គទី ๓๖ សូមជូនឌីយ៉ាក្រាមនៃការប្រើក្រុមជនពាលដើម្បីកម្ចាត់សត្រូវ របស់ហ៊ុនសែននិងគណបក្សប្រជាជន ដោយបង្ហាញដៃជោះងវាតែមួយក្រុមតូច។
​๓–«នាទីតន្ត្រីប្រចាំថ្ងៃ»
សូមជូនចម្រៀងកន្ទ្រឹមមួយបទឈ្មោះ «ក្របីជល់ចេក» ច្រៀងដោយស្មៀនឆៃភិមផា នៃវង់ «ใพโรจน์ซาวด์» កន្ទ្រឹមសុរិន្ទ។
๔–«នាទីពីនេះពីនោះ» 
បាតុកម្មខ្មែរ-អឺរ៉ុបនាក្រុងប៉ារីសថ្ងៃ ๑๘ មករា ๒๐๒๔ ទាមទារឲ្យលោកប្រធានាធិបតី Emmanuel Macron ញ៉ាំងឲ្យហ៊ុនម៉ាណែត (​ហៅហ៊ុនឡេ) គោរពនិងអនុវត្តសន្ធិសញ្ញាសន្តិភាពក្រុងប៉ារីស ๒๓ តុលា ๑๙๙๑ ។
ព្រះអង្គគ្រូយស​ហ៊ុតខឹមចារោក៏បាននិមន្តមកចូលរួមនិងថ្លែងយោបល់ទៅកាន់បាតុករខ្មែរផងដែរ។
បាតុកម្មនេះធ្វើឡើងក្រោមការដឹកនាំរបស់ប្រធានក្រុមប្រឹក្សា ๒๓ តុលា ๑๙๙๑ ប៉ែន​វ៉ាណូ។
ថ្វីបើថ្ងៃ ๑๘ មករាជាថ្ងៃធ្វើការតែខ្មែរនៅអឺរ៉ុបជាច្រើនបានមកចូលរួមបាតុកម្មស្នេហាជាតិនៅក្រុងប៉ារីសមួយនេះ។
ខ្មែរនៅអឹរ៉ុបទាមទារឲ្យមិនតែកម្ពុជាប៉ុណ្ណោះទេ តែជាពិសេសប្រទេសបារាំងដែលជាសហប្រធាននៃកិច្ចព្រមព្រាងសន្តិភាពក្រុងប៉ារីសអនុវត្ត​កិច្ចព្រមព្រាងទាំងនេះផង។
មានទាំងព្រះសង្ឃទាំងគ្រហស្ថទៅចូលរួមបាតុកម្ម។
មានទាំងប្រុសទាំងស្រី មកសុំឲ្យបារាំងគាបឲ្យក្រុងភ្នំពេញគោរពកិច្ចព្រមព្រាងក្រុងប៉ារីសថ្ងៃ​ ๒๓ តុលា ๑๙๙๑ ។
យើងនៅមិនទាន់ដឹងទេថាតើប្រធានាធិបតី Emmanuel Macron មានប្រតិកម្មយ៉ាងណាទៅនឹងការទាមទាររបស់ខ្មែរនៅអឺរ៉ុប​ជាពិសេសខ្មែរ-បារាំងដែលបោះឆ្នោតឲ្យលោកនោះ៕