កម្មវិធីផ្សាយរាល់ថ្ងៃ

Podcast: Play in new window | Download

๑–នាទី «សំបូរិន្ទសម្ភាសកេងវ៉ាន់សាក់» អំពីព្រលឹង ​ឬអត្តសញ្ញាណខ្មែរ​ ក្នុងទស្សនៈរបស់លោកសាស្ត្រាចារ្យ។
នៅក្នុងវគ្គទី​ ๑๕ នេះលោកសាស្ត្រាចារ្យអធិប្បាយថាពាក្យថា បរទេសគេស្គាល់ខ្មែរថាជាខ្មែរ​តែប្រទេសខ្មែរ​គេស្គាល់ថាជា​«ក្រុងកម្ពុជាធិបតី» ។
๒–នាទី «និទានអារ៉ាប់» អានជូនស្ដាប់ដោយ​សាន​សុវិទ្យ។
វគ្គបញ្ចប់នៃនិទានរឿងបងស្រី ២ នាក់ច្រណែនប្អូនពៅត្រូវបានប្រហារជីវិតដោយប្រើសេះ ๔ ក្បាលទាញហែកដៃជើងពីខ្លួនក្រោយដែលបក្សាចេះនិយាយបានថ្វាយការពិតដល់ព្រះបាទស៊ុល្តង់ ហើយរឿង​ ๑๐๐๑ ​យប់ក៏អេវំតែប៉ុណ្ណឹងផងដែរ។
ដោយទ្រង់សព្វព្រះហ្ឫទ័យនឹងការដែលស្ហេហេរ៉ាហ្សាដក្លាហានហ៊ានចូលមកបម្រើព្រះអង្គដោយស្ម័គ្រចិត្តហើយពូកែនិទានរឿងផ្សេងៗឲ្យព្រះអង្គស្ដាប់រយៈពេលជាច្រើនឆ្នាំ ​ទើបស៊ុល្តង់ប្រទេសឥណ្ឌាស្ហាហរ៉ាយ៉ារប្រកាសឈប់ចាប់ស្រី្តយកមកធ្វើជាយាមួយរាត្រី លុះព្រឹកឡើងឲ្យយកទៅប្រហារចោល ដើម្បីកុំឲ្យផិតព្រះអង្គទាន់ តាំងពីពេលនោះ​មក។
๓–«នាទីតន្ត្រីប្រចាំថ្ងៃ»
សូមជូនភ្លេងក្លាស្ស៊ិកប្រគំដោយទ្របារាំង (វីយូឡុង) មួយបទឈ្មោះ «Scheherazade» នៃរឿង ๑๐๐๑ យប់ តាមការយល់ឃើញរបស់​ Nikolai Rimsky-Korsakov មេអ្នកតែងភ្លេងដ៏ល្បីជនជាតិរុស្ស៊ី (๑๘๔๔-๑๙๐๘) ។
๔–នាទី «ពីនេះពីនោះ»
ម៉ែអាខ្នែតសម្លាប់ពិសិដ្ឋ ពិលិកា ​ចុះនរណាសម្លាប់ចេវ​ សុវឌ្ឍនា? រឿងមិនទាន់ចាស់ទេ នៅក្ដៅឧណ្ហៗ នៅឡើយ។
ចិត្តកនយើងចង់ឲ្យបុរីអង្គរមានដើមត្នោតជាជួរបែបហ្នឹង។
ពេលណាទើបបុរីអង្គរសិតរូបសំណាកលោកវីរបុរសសឺងង៉ុកថាញ់?​​ ជិតដល់ពេលហើយ lលោកម្ចាស់!
សូមរង់ចាំស្ដាប់រឿង «ចមនាវិក ស៊ិនបែដ» មកជំនួសរឿង «๑๐๐๑ យប់​ឬ ឯកសហស្សរាត្រី» ដែលទើបនឹងចប់ទៅហើយ៕