កម្មវិធីផ្សាយថ្ងៃសៅរ៍ 04.03.2023

១–ធម្មកថារបស់ព្រះតេជគុណសាន សុជានៃវត្តមណីរតនារាម ក្រុងពោធិ៍សាត់បញ្ជាក់ថាមនុស្សដែលមានចិត្តស្មោះនោះពុំមានឡើយនៅលើលោកនេះ។

២–នាទី «ទេវកថាក្រិក-រ៉ូម៉ាំង» ថ្ងៃនេះសូមបន្តរៀបរាប់អំពី Heracles មហាវីរបុរសក្រិកដែលពួករ៉ូម៉ាំងហៅ Hercules និងការងារលាងបាបទី ៣ របស់គេគឺត្រូវទៅចាប់ក្ដាន់ញីពណ៌ក្រហមស្នែងមាសក្រចកស្ពាន់នៃតំបន់ Ceryneia ប្រទេសក្រិកមកថ្វាយស្ដេច Eurystheus។

ការងារលាងបាបទី ៣ របស់ Heracles គឺចាប់ក្ដាន់ស្នែងមាសរបស់ Artemis

៣–នាទី «យកទស្សនៈអ្នកនិពន្ធមកបង្ហាញ» ប្រចាំថ្ងៃសៅរ៍ រៀបរៀងដោយលោកជាតិហង្សាពីរដ្ឋ Minnesota, USA, ដោយថ្ងៃនេះលោកនឹងបន្តលើកយកសំណេររបស់លោក សោមសេកកុមារមកអានជូនស្ដាប់ ស្ដីពីស្ថានភាពខុសគ្នារវាងកងកម្លាំងរបបសាធារណរដ្ឋនិងកងទ័ពយួនយៀកកុងយៀកណាមខាងជើងរួមទាំងពួកខ្មែរក្រហមខ្មែររណសិរ្សនៅសមរភូមិកម្ពុជារកាលពីឆ្នាំ ១៩៧២។

៤–នាទី «តន្ត្រី» ថ្ងៃនេះសុំជូនចម្រៀងខ្មែររបស់យុវជនអ្នកពុះពារឈ្មោះ «អ្នកមិនចុះចាញ់» ច្រៀងដោយយុវជន និកូ។ គេថា៖ “អ្នកមិនចុះចាញ់ (បទនិពន្ធថ្មីពីនីកូ) ចំរៀងមួយបទនេះសំរាប់អ្នកដែលមិនដែលចុះចាញ់ ដរាបណាអ្នកនៅមានក្តីសង្ឃឹម ថ្ងៃណាមួយអ្នកនិងទទួលជោគជ័យ និពន្ធបទភ្លេងដោយ ផលវឌ្ឃនះ និពន្ធទំនុកច្រៀង ដោយ winnie”