កម្មវិធីផ្សាយរាល់ថ្ងៃ

Podcast: Play in new window | Download

๑–បទសម្ភាសន៍ ៖ វគ្គបញ្ចប់ នៃបទសម្ភាសន៍ របស់តំណាងវិទ្យុខ្មែរពិភពលោកប្រចាំអឺរ៉ុបលោកថាច់ពីយ៉ា ជាមួយលោក​លីពឿង អនុប្រធានក្រុមប្រឹក្សាភិបាល CNRPO និង​លោក​ប៉ែនវ៉ាណូ ប្រធានក្រុមប្រឹក្សា​ ๒๓ ​តុលា ๑๙๙๑ ពិភពលោក បើកមុខ បញ្ជាក់ថា ๗ មករា ๑๙๗๙ មិនមែនជាថ្ងៃដែលយួនមកជួយរំដោះកម្ពុជាទេ ​តែជាថ្ងៃយួនចូលមកគ្រប់គ្រងកម្ពុជា មកទល់ពេលនេះ ๔๕ ឆ្នាំហើយ។​ ភ្ញាក់ឡើង បងប្អូន!

๒–នាទី «អក្សរសាស្ត្រ» ថ្ងៃនេះសូមជូននាទីបកស្រាយអក្សរសាស្ត្រខ្មែរដោយសម្ដេចព្រះសង្ឃរាជជួនណាត ភាគ ๖ វគ្គទី ๑ ពន្យល់ពីការប្រើពាក្យខ្មែរផ្សេងៗ ឲ្យបានត្រឹមត្រូវ ដូចជាពាក្យថាពង្វាង មិនមែនបង្វាង ជាដើម។
๓–នាទី «សៀវភៅខ្មែរ » រឿង «ជីវិតកូនថ្លៃ កូនត្រូវតែរស់» (“Stay Alive, My Son” ឬ “Tu Vivras, Mon Fils”) ស្នាដៃនិពន្ធផ្អែកលើជីវិតពិតរបស់លោក ពិន យ៉ាថៃ​​និងអានបញ្ចូលសម្លេងដោយលោកវីរៈ វ៉ារ៉ានី​នៃក្រុមព្រះសុរិយា។
វគ្គទី ๑๘ «រឿងចម្លែកៗរបស់ពួកខ្មែរក្រហមដ៏ឆ្គួតលេលា» ខ្មែរក្រហមនិរទេសប្រជាជនពីស្រម៉លាវ ខេត្តតាកែវទៅបាត់ដំបង។
๔–នាទី «តន្ត្រីប្រចាំថ្ងៃ»
សូមជូនបទស្នេហាឈ្មោះ «ចម្ប៉ាបាត់ដំបង» ដែលលោកស៊ីនស៊ីសាមុតតែងច្រៀងនិងចេញជាថាសនៅឆ្នាំ ๑๙๖๒ តាមដោយបទ «ចំប៉ីសៀមរាប»​ ភ្លេងដែលក្មេងវត្តដំរីសចូលចិត្តស្រែកច្រៀងខុសតុង​នៅលើច្រាំងស្ទឹងសង្កែមុខវត្តរាល់ពេលល្ងាចប្រណាំងនឹងការចាក់ផ្សាយរបស់អាំងហ្វមម៉ាស្យុងកាលពីសម័យបានប្រាសាទព្រះវិហារពីសៀមមក វិញ។

๕–នាទី «សុខភាពយើង»

Sushi គឺបាយពំនូត Sashimi/Sushimi ប្រែថាត្រីឆៅ មានតែត្រីទទេនិងទឹកជ្រលក់ ឬត្រីនៅលើរ៉ាឌីឬមើមស្ពៃក្រហមកោស។
๖–នាទី «ពីនេះពីនោះ»
ចិនបានធ្វើនូវអំពើល្អជួយប្រទេសដែលមិនចម្រើនឲ្យចម្រើនឡើង ក្នុងពេលជាមួយគ្នាចិននៅតែបាន​និង​បាន​ឥតមានខាតបង់អ្វីឡើយ ក្រៅពីត្រូវជេរខ្លះ​តែក័មានអ្នកពោលសរសើរខ្លះដែរ។
๑๐ ឆ្នាំនៃសេចក្ដីព្យាយាមរបស់ចិនក្នុងការគ្រប់គ្រងពិភពលោកតាមរយៈកិច្ចផ្ដួចផ្ដើមខ្សែក្រវាត់និងថ្នល់ (BRI)​។
ចិនទិញនាវាផ្ទុកយន្តហោះកញ្ចាស់ដែលអូស្ត្រាលីថានឹងយកទៅពន្លិចចោល​ក្នុងតម្លៃ ๓๐​ លានដុល្លារ។
សៀមនៅតែជន្លៗ​ចង់បានរទេះភ្លើងល្បឿនលឿនតាមចិន​ឬ តាមជប៉ុនអីចេះ?